Բանաստեղծի 70-ամյակը Վանաձորում
Վանաձորի Ստեփան Զորյանի տուն թանգարանում նշվեց Իսպանիայում բնակվող, նախկին վանաձորցի, բանաստեղծ, Հայաստանի գրողների միության անդամ Արա Սիմոնյանի ծննդյան 70-ամյակը:
Բացման խոսք ասաց Հայաստանի գրողների միության Լոռու մարզային բաժանմունքի նախագահ, բանաստեղծ ՄանվելՄիկոյանը։ Նա անդրադարձավ Ա. Սիմոնյանի պոեզիային և լրագրողական գործունեությանը, որի ընթացքում նա շատ հարցազրույցներ է ունեցել մշակույթի նշանավոր գործիչների հետ։
Հայաստանի գրողների միության նախագահ, բանաստեղծ Էդվարդ Միլիտոնյանը Հայաստանի գրողների միության շնորհավորական ուղերձը փոխանցեց հոբելյարին, հանձնելով նաեւ ՀԳՄ «Գրական վաստակի համար» մեդալ, կարդաց Ա. Սիմոնյանիբանաստեղծությունների «Լուսնիհովիտ» գրքից մեկ գործ։ Է. Միլիտոնյանը ՀԳՄ պատվավոր անդամի անդամատոմսեր հանձնեց ՀՀ վաստակավոր լրագրող, հրապարակախոս Ֆահրադ Ափուջանյանին և Մանկավարժական գիտությունների դոկտոր, պրոֆեսոր, ծանրամարտի մասին ավելի քան երկու տասնյակ գրքերիհեղինակՎանդոսՂարագյոզյանին:
Շնորհավորանքի ջերմ խոսքեր ասացին «Վան Արյան» հրատարակչատան տնօրեն, արձակագիր, բանաստեղծ ՎիլյամՊողոսյանը, հնագետ, ՀՀ ԳԱԱ ակադեմիկոս Հակոբ Սիմոնյանը, կոմպոզիտոր, ՀՀ ժողովրդական արտիստ Սասուն Պասկևիչյանը։
Ստ. Զորյանի տուն-թանգարանի տնօրեն Լիլիթ Չոբանյանը Ա. Սիմոնյանին հանձնեց շնորհավորագիր և նվիրեց Ստեփան Զորյանի գրքերից։
Արա Սիմոնյանի բառերով Վանաձորի երգի թատրոնի գեղ. ղեկավար Գագիկ Աղաբաբյանի հեղինակած երգը կատարեց երգի թատրոնի մեներգչուհի Սյուզաննա Ասուլյանը։ Հոբելյարին իրենց երգերով ողջունեցին աշուղ Աստղանուշը, աշուղ Նազելին և կիթառահար, երգիչ Մհեր Բեկչյանը։
Արա Սիմոնյանի պոեզիայի առանձնահատկությունների մասին խոսեցին բանասիական գիտությունների դոկտոր, պրոֆեսոր Դավիթ Գասպարյանը, ԲԳ թեկնածու, դոցենտ Վալերի Փիլոյանը։
Էկրանին ցուցադրվեցին հանրահայտ արտիստներ Ռուդոլֆ Ղևոնդյանի, Աշոտ Ղազարյանի, Լևոն Շարաֆյանի և երգիչ Թովմաս Պողոսյանի շնորհավորական ուղերձները։ Ցուցադրվեց տեսանյութ, որում Ա. Սիմոնյանի «Հայի կոշիկներ» պատմվածքի մասին է խոսում լրագրող Սուրեն Սարգսյանը։
Հանդիսավարները, ասմունքի վարպետ Ջիվան Սարդսյանը և ասմունքող Աիդա Կիրակոսյանը կարդացին Ա. Սիմոնյանի գործերից։
Հուզիչ էր Արա Սիմոնյանի դուստր, Հայաստանում Հնդկաստանի արտակարգ և լիազոր դեսպանի խորհրդական ԼիլիթՍիմոնյանի խոսքը հոր մասին։ Նա կարդաց Ա. Սիմոնյանի՝ իրեն նվիրված բանաստեղծությունը և իր հեղինակած մի գեղեցիկ մանրապատում։
