«Մենակ Չէք»…
Սիրելի Արցախի քոյրեր եւ եղբայրներ,
Այսօր Լիբանանէն դուրս կը գտնուիմ բայց որպէս Լիբանանահայ կը միանամ իմ գաղութին, «Մենակ Չէք” նախաձեռնութեան՝ որպէս զօրակցութիւն ձեր իւրաքանչիւրին: Արցախի տագնապը բոլոր հայութեանն է եւ «Մենակ Չէք» կուգայ գօտեպնդելու Արցախի տագնապի համահայկական տարողութիւնը: «Մենակ Չէք» միայն խօսք չէ: Ան աղօթք է, հոգի, միտք բայց նաեւ Ուժ եւ Յոյս: Ուժը ապրելու համար մեր կեանքերը մեր հայրենի հողին վրայ եւ մեր ազգային արժանապատուութեանը մէջ: Եւ Յոյսը՝ որ «Ճանաչում Յանուն Փրկութեան» մեր կարգախօսը պիտի իրականանայ:
Քրիստոս ըսաւ, «Ես աշխարհին (իմա մեղքին) յաղթեցի»: Եւ այս ճշմարտութիւնը թող խթանէ մեզ բոլորս՝ համայն հայութիւնը՝ թէ ԻՐՄՈՎ եւ մենք բոլորս ՄԻԱՍԻՆ, կրնանք յաղթել…: Հաւատանք եւ կառչինք այս յաղթանակին շնորհած Ուժին եւ Յոյսին:
Հայաստան, Արցախ եւ սփիւռք…:
Բոլորս միասին…
Լաւ եւ հաստատ մնացէք: Ձեզի հետ ենք…«Մենակ Չէք»:
Հրայր Ճէպէճեան
Սեպտեմբեր 1, 2023
