Մոլոկանների «Չայբուշկա»-ն
«Չայբուշկա». Այսպես է կոչվում Լոռու մարզի Ֆիոլետովո համայնքում օրերս բացված սրահը, որը ցուցադրում-հանրահռչակում է մոլոկանների ունեցած ժառանգությունը: 150-ամյա նորոգված տանը զբոսաշրջիկները կարող են համտեսել տեղական ուտեստներ, վայելել թեյ, ծանոթանալ թանգարանային հատվածներին, լուսանկարվել ազգային տարազներով, մասնակցել խոհարարական, արհեստագործական վարպետության դասերի, կփորձեն պատրաստել իսկական մոլոկանյան ուտեստներ և ծանոթանալ փայտամշակման և ասեղնագործության արհեստներին։
Նախագիծն իրականություն է դարձել բիզնեսի համար նախաձեռնության «Նորարարական տուրիզմի և տեխնոլոգիաների զարգացում Հայաստանի համար» ծրագրի աջակցությամբ:
Լոռու մարզպետի աշխատակազմի զարգացման ծրագրերի, զբոսաշրջության և վերլուծության բաժնի պետ Հասմիկ Մկրտչյանը հույս է հայտնում, որ մոլոկաններով բնակեցված Ֆիոլետովո համայնքում հիմնաված նոր բիզնեսը լավագույն միջոցը կլինի մոլոկանների ավանդական ժառանգությունը պահպանելու և այն միջազգային ու տեղացի զբոսաշրջիկներին ներկայացնելու առումով:
