Ծանրամարտիկ Սերյոժա Բարսեղյանը հաղթեց Եվրոպայի մինչև 17 տարեկանների առաջնությունում
Հայաստանը ներկայացնող Սերյոժա Բարսեղյանը Մոլդովայի մայրաքաղաք Քիշնևում անցկացվող ծանրամարտի Եվրոպայի մինչև 17 տարեկանների առաջնությունում նվաճեց երկամարտի ոսկե մեդալը 67 կգ քաշային կարգում՝ ցույց տալով 278 կգ (131+147) արդյունք։
Sputnik Արմենիայի փոխանցմամբ, Սերյոժա Բարսեղյանn առաջինն էր նաև պոկում և հրում վարժություններում:
Մ-17 ԵԱ-ում Հայաստանը նվաճեց երրորդ մեդալը երկամարտում։ Ավելի վաղ Ժորա Գրիգորյանը (61 կգ) նվաճել էր ոսկե, Կառլեն Դավթյանը (49 կգ)՝ բրոնզե մեդալ:
