Հայաստանի ուժեղագույն շախմատիստները կմասնակցեն ՖԻԴԵ-ի 2023 Grand Swiss մրցաշարին
Հոկտեմբերի 23-ից նոյեմբերի 6-ը Մեն կղզում կայանալու է շախմատի Grand Swiss միջազգային մրցաշարը, որին ավանդաբար մասնակցում են աշխարհի ուժեղագույն կին եւ տղամարդ շախմատիստները։
Մրցաշարի մեկնարկից երեք ամիս առաջ տղամարդկանց պայքարում արդեն հավատարմագրվել է 100 հոգի, փոխանցում է aravot.am լրատվական կայքը:
Նրանց մեջ են Հայաստանի լավագույն գրոսմայստերներ Գաբրիել Սարգսյանը, Հայկ Մարտիրոսյանը, Շանթ Սարգսյանը, Հրանտ Մելքումյանը, Մանուել Պետրոսյանը, Սամվել Տեր-Սահակյանը։
Մինչեւ այսօր իրենց մասնակցությունը հաստատել են 40 կանայք, այդ թվում հայաստանցիներ Էլինա Դանիելյանը եւ Մարիամ Մկրտչյանը։
