Բացվեց հրաձգարան
Լոռու մարզպետի աշխատակազմի զորահավաքային նախապատրաստության բաժնի նախաձեռնությամբ Լոռու մարզպետարանի շենքում բացվեց հրաձգարան:
Ենթադրվում է, որ գույքով և անհրաժեշտ սարքավորումներով կահավորված հրաձգարանում մարզպետի աշխատակազմը կկարողանա զարգացնել զենքի տիրապետման իր հմտությունները և կատարելագործել կրակային պատրաստության գիտելիքները:
- Թող շուտափույթ խաղաղություն հաստատվի, բայց հայրենիքի պաշտպանության սուրբ գործին մենք պետք է միշտ պատրաստ լինենք: Հրաձգարանը յուրահատուկ ուսումնական բազա կլինի մարտական զարգացվածության հարցում և հնարավորություն կտա ձեզ կատարելագործել ունակությունները,- բացման ժամանակ ասաց Ա. Խաչատրյանը:
Բացման արարողությունից հետո ներկաները փորձարկեցին նորաբաց հրաձգարանի հնարավորություները:
