Շահինյան 100

100 տարի առաջ հուլիսի 30-ին ծնվեց մեծն վարպետը՝ օլիմպիական խաղերի կրկնակի չեմպիոն և կրկնակի փոխչեմպիոն, աշխարհի կրկնակի չեմպիոն, ԽՍՀՄ յոթակի չեմպիոն, նժույգի արքա, ԽՍՀՄ սպորտի վաստակավոր վարպետ, ՀԽՍՀ վաստակավոր մարզիչ, ՀԽՍՀ ֆիզիկական կուլտուրայի և սպորտի վաստակավոր գործիչ, միջազգային կարգի մրցավար, ՀՖԿՍՊ ինստիտուտի պատվավոր պրոֆեսոր, վաստակավոր մանկավարժ, պատանի մարմնամարզիկների դպրոցի հիմնադիր և ղեկավար, «Արդար խաղեր»-ի ասպետ՝ Հրանտ Համազասպի Շահինյանը։

20-րդ դարի լավագույն մարմնամարզիկը հայրենիքին մատուցած ծառայությունների համար արժանացել է բազմաթիվ պարգևների․

*  «Հայրենական մեծ պատերազմի առաջին աստիճանի»
* «Աշխատանքային կարմիր դրոշի»
*  «Խիզախության»
* «Կովկասի պաշտպանության»
* «Պատվո նշան»
* «Աշխատանքային արիության»
* «Խաչատուր Աբովյան» մեդալների։

Նրա անունն է կրում Երևանի փողոցներից մեկը, ՀՖԿՍՊԻ մարմնամարզության ամբիոնը։

2000 և 2009թթ. թողարկվել են Հրանտ Շահինյանին նվիրված դրոշմանիշներ։
2005-ին ՀԱՕԿ-ի կողմից ստեղծվել է Հրանտ Շահինյան մեդալը։
2014-ին ՄՕԿ-ի նախագահ Թոմաս Բախի ներկայությամբ բացվել է Շահինյանի հուշարձանը։
2023թ. Հրանտ Շահինյանի 100 ամյակին նվիրված նկարահանվեց նրա կյանքի և գործունեության մասին պատմող ֆիլմ, ինչպես նաև շրջանառության մեջ դրվեց հոբելյանական հուշադրամ։
 
Շնորհավոր ծնունդդ մեծանուն հայ։

Կյանքում առաջնորդվենք շահինյանական գաղափարախոսությամբ և ձգտենք հաղթող դառնալ ոչ միայն ուժով, այլ նաև՝ բարությամբ։

Վանդոս ՂԱՐԱԳՅՈԶՅԱՆ

Մանկավարժական գիտությունների դոկտոր, պրոֆեսոր,

ՀՀ ֆիզկուլտուրայի եւ սպորտի վաստակավոր գործիչ, ՀՀ ծանրամարտի ֆեդերացիայի փոխնախագահ